Тэніс » Associations

Кіруючыя ворганы і арганізацыйная структура

Mon, 26 Oct 2009 02:09:38 +0000

Вышэйшым кіруючым органам асацыяцыі зьяўляецца рада дырэктараў. Агульная колькасьць дырэктараў шэсьць, тры з іх абіраюцца радай гульцоў, тры — радай арганізатараў турніраў, такім чынам дасягаецца парытэтнае прадстаўніцтва інтэрасаў тэнісістаў і ўладальнікаў турніраў.

Апэратыўнае кіраваньне ажыцьцяўляе Прэзыдэнт ATP, у студзені 2009 году Адам Гэлфант (ангел. Adam Helfant) зьмяніў на гэтай пасадзе Эц’ена дэ Ўілэра (ангел. Etienne de Villers), які ўзначальваў асацыяцыю з студзеня 2006 году.

Cучасная сістэма падліку пойнтаў у рэйтынгу ATP

Sun, 25 Oct 2009 18:04:07 +0000

Пачынаючы з сэзону 2009 году сістэма падліку пойнтаў у рэйтынгу ATP выгладае наступным чынам:

Катэгорыя турніру	Прызавы фонд	W	F	SF	QF	R16	R32	R64	R128	Дад. пойнты за кваліфікацыю
Турніры Вялікага шалому		2000	1200	720	360	180	90	45	10	25
Сэрыя ATP 1000		1000	600	360	180	90	45	10(25)	(10)	25*
Сэрыя ATP 500		500	300	180	90	45	(20)			20*
Сэрыя ATP 250		250	150	90	45	20	(5)			5
Challenger	$150 000+З	125	75	45	25	8				5
Challenger	$150 000	110	65	40	20	7				5
Challenger	$125 000	100	60	35	18	6				5
Challenger	$100 000	90	55	33	17	6				5
Challenger	$75 000	80	48	29	15	5				5
Challenger	$37 500+З	75	45	27	13	5				3
Challenger	$50 000	75	45	27	13	5				3
Futures	$15 000+З	33	19	9	4	1
Futures	$15 000	25	14	7	3	1
Futures	$10 000	17	9	5	2	1
Кубак Мастэрс		1500 максымум	200 за кожны выйграны матч адборачнага этапу, 400 за выйгрыш у паўфінале, 500 за перамогу ў фінале

+С: Турнір аплочвае сутачныя ў дадатак да прызавога фонду

У сэрыі ATP 1000 за кваліфікацыю налічаецца толькі 12 пойнтаў, калі ў асноўнай сэтцы турніру больш 56 гульцоў

У сэрыі ATP 500 за кваліфікацыю налічаецца толькі 10 пойнтаў, калі ў асноўнай сэтцы турніру больш 32 гульцоў

У сэрыі ATP 250 за кваліфікацыю налічаецца толькі 5 пойнтаў, калі ў асноўнай сэтцы турніру больш 32 гульцоў

Рэйтынг ATP

Fri, 23 Oct 2009 12:48:01 +0000

Рэйтынг ATP — афіцыйная сістэма падліку дасягненьняў спартоўцаў, якая абнаўляецца штотыдзень. У сэзоне 2009 году ў сыстэму былі ўнесеныя істотныя зьмены.

Кожнаму спартоўцу залічваецца максымум 18 лепшых вынікаў, паказаных на турнірах на працягу сэзону. Кубак Мастэрс улічваецца ў якасьці 19-га турніру васьмі спартоўцам, якія атрымалі права ў ім удзельнічаць.

Тэнісістам, якія ў адпаведнасьці з рэйтынгам маюць права гуляць на турнірах Вялікага шалому і турнірах сэрыі ATP Masters, вынікі гэтых турніраў улічваюць у абавязковым парадку, нават у выпадку адмовы ад удзелу ў спаборніцтве, па-за залежнасцю ад чыннікаў (у такім разе зачытваецца нуль ачкоў).

З 2000 па 2009 год ATP вяла дзьве раўналежныя сыстэмы падліку рэйтынгу гульцоў: Гонка ATP (ангел. ATP Race) і Табель аб рангах ATP (ангел. ATP Ranking). ATP Race улічвала вынікі выступаў толькі ў бягучым сэзоне, у то час як Рэйтынг ATP — вынікі апошніх 52 каляндарных тыдняў. Восем наймоцных тэнісістаў і пар, якія атрымлівалі права на выступ у Кубку Мастэрс, да 2009 вызначаліся па ачках, набраным у ATP Race. Пачынаючы з сэзону 2009 году, ATP Race была скасаваная.

Турніры ATP-туру

Fri, 23 Oct 2009 01:47:57 +0000

ATP-тур складаецца з турніраў пяці катэгорыяў:

1. Кубак Мастэрс (Tennis Masters Cup, праводзіцца сумесна з ITF).
2. Сэрыя ATP 1000 (ATP World Tour Masters 1000, да 2009 гаду — Сэрыя Мастэрс).
3. Сэрыя ATP 500 (да 2009 гаду — International Series Gold Tournaments).
4. Сэрыя ATP 250 (да 2009 гаду — International Series Tournaments).
5. Challenger Tournaments.

Першыя чатыры катэгорыі турніраў зьяўляюцца афіцыйнымі спаборніцтвамі тура, пятая катэгорыя — турніры ўзроўня ATP Challenger Series, прызначаныя галоўным чынам для тэнісістаў-пачаткоўцаў. Вынікі выступаў улічваюцца ў рэйтынгу ATP, але перамогі ў іх ня лічацца «тытуламі» ATP і яны не ўваходзяць у асноўны каляндар туру.

Турніры Вялікага Шалому хоць і ўлічваюцца ў каляндары ATP-туру і маюць максымальную вагу пры падліку рэйтынгу ATP, але не належаць ATP і фармальна не зьяўляюцца часткай туру.

Турніры цыклаў Satellite Tournaments і Futures Tournaments служаць пачатковай прыступкай у спаборніцтвах прафэсыйнага ўзроўня, іх вынікі ўлічваюцца ў Рэйтынгу ATP, але яны таксама не ўваходзяць у ATP-тур і праводзяцца Міжнароднай федэрацыяй тэнісу (ITF).

Акрамя індывідуальных спаборніцтваў пад эгідай ATP штогод гуляецца Камандны Кубак Сьвету (ангел. World Team Cup). У ім прымаюць удзел каманды 8 краінаў, спартоўцы якіх паказалі найлепшыя сумарныя вынікі ў Рэйтынгу ATP за папярэдні год.

Асацыяцыя таксама праводзіць цыкль спаборніцтваў для вэтэранаў — Тур чэмпіёнаў (ангел. Tour of Champions); у турнірах гэтай сэрыі прымаюць удзел найболей услаўленыя гульцы мінулых гадоў.

Сэзон ATP прыкладна адпавядае каляндарнаму году, першыя спаборніцтвы туру праводзяцца ў пачатку студзеня, завяршальны турнір — Кубак Мастэрс у лістападзе. Снежань лічыцца вакацыйным месяцам.

Асацыяцыя тэнісістаў-прафэсыяналаў

Thu, 22 Oct 2009 19:20:26 +0000

Асацыяцыя тэнісістаў-прафэсыяналаў (ангел. Association of Tennis Professionals, ATP) створаная ў 1972 годзе для абароны і прадстаўніцтва інтэрасаў прафэсыйных гульцоў у тэніс. Спартоўкі-тэнісісткі ўваходзяць у Жаночую тэнісную асацыяцыю (ангел. Women’s Tennis Association, WTA), каторая была ўтворана ў 1973 годзе.

Сёньня ATP зьяўляецца арганізатарам і саўладальнікам найболей значнага цыклу тэнісных турніраў ATP-тур (ATP-tour).

Турніры

Sat, 17 Oct 2009 05:32:05 +0000

Найбольш прэстыжнымі ў сьвеце тэнісу зьяўляюцца чатыры турніры Вялікага шалому

**Вялікі шалом (Grand Slam)**
Period	Tournament	Location	Surface
January	Australian Open (Адкрыты чэмпіянат Аўстраліі)	Melbourne	Hard (Plexicushion)
May-June	French Open (Адкрыты чэмпіянат Францыі)	Paris	Clay
June-July	Wimbledon (Ўімблдонскі турнір)	London	Grass
August-September	US Open (Адкрыты чэмпіянат ЗША)	New York City	Hard (DecoTurf)

Сярод камандных спаборніцтваў найпрэстыжныя

Кубак Дэвіса (Davis Cup) — змаганьні зборных краін сярод мужчын.
Кубок Фэдэрацыі (Fed Cup) — змаганьні зборных краін сярод жанчын.
Кубак Хопмана (Hopman Cup) — змаганьні зьмешаных мужчынска-жаночых зборных.

Менш прэстыжным лічыцца Алімпійскі тэнісны турнір (Olympic Games), які адбываецца кожныя чатыры гады падчас Летніх Алімпіядаў.

Акрамя таго прафэсыйныя тэнісныя аб’яднаньні арганізуюць сэрыі турніраў рознай сілы, так званыя туры, ахопліваючы імі ўсіх гульцоў арганізацыі, тэнісную моладзь і вэтэранаў. Пералічаныя чатыры турніры Вялікага шалому, тры камандныя і Алімпійскі турніры зьяўляюцца адзінымі, якімі кіруе непасрэдна Міжнародная тэнісная фэдэрацыя.

Тэнісныя турніры збольшага праводзяцца па алімпійскай сыстэме. Пары вызначаюцца лёсаваньнем з папярэнім расьсейваньнем. Зрэдку праводзяцца колавыя турніры, або турніры, у якіх спачатку гуляюцца матчы ў групах з далейшым пераходам на алімпійскую сыстэму.

Фэдэрацыі ды аб’яднаньні гульцоў

Fri, 16 Oct 2009 12:01:21 +0000

Галоўным ворганам кіраваньня тэніснымі справамі зьяўяецца Міжнародная тэнісная фэдэрацыя (па-ангельску: The International Tennis Federation, ITF), якая складаецца з 205 (па стане на сярэдзіну кастрычніка 2009 г.) нацыянальных тэнісных фэдэрацый, у тым ліку Беларускай Тэнісная Асацыяцыі (БТА).

Прафэсыйныя тэнісысты аб’яднаныя ў Асацыяцыю тэнісных прафэсіяналаў (па-ангельску: Association of Tennis Professionals, ATP; мужчыны) і Жаночую тэнісную асацыяцыю (па-ангельску: Women’s Tennis Association, WTA).