Тэніс » Andre Agassi

Куэртэн выпусціць аўтабіяграфію

Mon, 21 Dec 2009 18:45:14 +0000

Былая першая ракетка сьвету, трохкразовы пераможца «Ралян Гарос» бразылец Густава Куэртэн, які летась скончыў кар’еру, зьбіраецца выпусьціць аўтабіяграфію. Плянуецца, што кніга выйдзе ў 2010-2011 гадах і будзе ўтрымліваць у сабе некалькі «незвычайных гісторыяў» з жыцьця Куэртэна ў туры. Аднак Куэртэн заявіў, што тамака ня будзе прызнанняў, падобных прызнаньню Агасі. Нагадаем, Андрэ ў сваёй аўтабіяграфіі зрабіў шакуючае прызнаньне ў нянавісьці да тэнісу і сваёй наркатычнай залежнасьці.

Паводле Tennis Connected

АТР назвала Топ-5 лепшых супрацьстаяньняў дзесяцігоддзя

Sat, 19 Dec 2009 21:38:07 +0000

АТР апублікавала сьпіс лепшых супрацьстаяньняў апошняга дзесяцігоддзя. На першым месцы знаходзіцца дужаньне Роджэр Федэрэра і Рафаэля Надаля, на другім – Піта Сампраса і Андрэ Агасі, трэцяе месца дасталася суперніцтву Рафаэля Надаля і Новака Джокавіча, а чацвёртае – Давыда Налбандзяна і Роджэра Федэрэра. Замыкае сьпіс супрацьстаяньне Патрыка Рафтэра і Андрэ Агасі.

Акрамя таго, АТР вылучае суперніцтва паміж Маратам Сафінам і Фабрысам Сантаро, паведамляе афіцыйны сайт арганізацыі.

Знакамітыя тэнісісты

Wed, 21 Oct 2009 22:02:47 +0000

З пачаткам Адкрытай эры і зьяўленьнем фэдэрацыяў тэнісу ў розных краінах сьвету, тэніс атрымаў развіцьцё ў розных частках зямнога шару і страціў імідж спорту прывілеяваных клясаў ангельскамоўных краінаў. Пачынаючы з 70-х гадоў XX стагоддзя, на тэнісных арэнах бліскалі гульцы з Нямеччыны (Барыс Бэкер (Boris Becker), Штефі Граф (Steffi Graf)), былой Чэхаславакіі (Ян Лэндл (Ivan Lendl), Марціна Наўрацілава (Martina Navrátilová)), Швэцыі (Б’ёрн Борг (Björn Borg)), Беларусі (Натальля Зьверава (Natasha_Zvereva); у пары) і шматлікіх іншых краінаў.

Сярод вялікіх гульцоў Акрытай эры завуць Рода Лэйвэра, Джымі Конарса, Джона Ньюкамба, Стэна Сьміта, Б’ёрна Борга, Джона Макінроя, Яна Лэндла, Стэфана Эдбэрга, Джыма Кур’е, Матса Віландэра, Андрэ Агасі (Andre Agassi), Піта Сампраса (Pete Sampras), Роджэра Федэрэра (Roger Federer). Сярод жанчын: Крыс Эвэрт, Марціну Наўрацілаву, Штефі Граф, Моніку Сэлэш, Марціну Хінгіс (Martina Hingis).

Bill Tilden

Нямала легендарных гульцоў было ў гісторыі тэнісу і да пачатку Адкрытай эры. Сярод іх: Біл Цільдэн (Bill Tilden), Элсўорт Вайнс, Фрэд Пэры, Дон Бадж, Бобі Рыгс, Джэк Крэймэр, Панча Сэгура, Фрэнк Сэджман, Панча Ганзалез, Кен Роўзўол, Лью Хоўд. Шматлікія знаўцы тэнісу лічылі Біла Цільдэна лепшым спартоўцам, якія калі-небудзь гулялі ў тэніс. Ён дамінаваў у міжнародным тэнісе ў 20-я, быў World No. 1 гульцом цягам 7 год. У 1950-х і 1960-х г.г. шматлікія схадзіліся ў меркаваньні, што Панча Ганзалез зьмяніў Цільдэна на вяршыні тэнісу. Любы з згаданых тэнісістаў мог бы пасупернічаць з сучаснымі гульцамі.