Мікалай Давыденко выйшаў у фінал турніру ATP у Досе, абгуляўшы ў паўфінальным паядынку першую ракетку сьвету швейцарца Роджэра Фэдэрэра.

За тытул Давыденко паспрачаецца з гіспанцам Рафаэлем Надалем.

ATP / Доха (Катар), 1/2 фіналу

Мікалай Давыдзенка vs. Роджэр Фэдэрэр – 6:4, 6:4

«Летась на старце сэзону ў мяне былі праблемы са сьпіной, – сказаў Фэдэрэр у нядзелю напярэдадні старту на турніры ATP у Досе. – Я прайграў Эндзі Марэю, Новаку Джокавічу і Рафаэлю Надалю, якія пачалі сэзон куды лепш за мяне. Але цяпер пачуваюся выдатна, я добра падрыхтаваўся, каб быць упэўненым у будучых перамогах».

Роджэр быў першай ракеткай сьвету з лютага 2004 году па жнівень 2008-га, калі з першага радка рэйтынгу яго зрушыў Надаль. Летась 28-летні выхадзец з Базэля ня толькі вярнуў сабе званьне лепшага тэнісіста сьвету, але і ўсталяваў рэкорд па колькасьці выйграных турніраў «Вялікага шалома». Зараз у актыве швайцарца іх пятнаццаць – на адзін больш, чым у легендарнага амэрыканца Піта Сампраса.

«Падчас сэзону я гуляў усё лепш і лепш, – цытуе Фэдэрэра РІА «Навіны». – Выйгрыш у Парыжы і на Ўімблдоне пацвердзіў, што я непераможны. Я магу зрабіць гэта зноў. І гэта вельмі выдатна – разумець, што я здолею гэта зрабіць». Дадамо, што на старце турніру ў Досе Роджэр мае згуляць з бэльгійцам Крыстафам Рохусам.

Фота Getty Images

Акрамя таго, АТР вылучае суперніцтва паміж Маратам Сафінам і Фабрысам Сантаро, паведамляе афіцыйны сайт арганізацыі.

Мікалай Давыдзенка паказаў найлепшую гульню ў фінале выніковага турніру ATP, што праходзіў у Лондане. Расеец упэўнена абгуляў у фінале аргентынца Хуана Марціна дэль Потро з лікам 6:3, 6:4.

Мікалай выйграў гэты турнір упершыню ў сваёй кар’еры. У мінулым годзе Давыдзенка таксама выйшаў у фінал, але прайграў сербу Новаку Джокавічу.

Мікалай Давыдзенка: “Шчыра кажучы, я зьдзіўлены тым, што выйграў турнір, бо я прыехаў у ранзе сёмай ракеткі. Аднак я з першай жа гульні быў упэўнены ў сабе, добра сябе адчуваў. Ведаю гісторыю гэтага турніру. Зараз маё імя будзе нанесенае на трафей. Магчыма, зараз я буду больш вядомы ў Лондане”.

Пасьля перамогі Мікалай перамясьціўся ў рэйтынгу ATP на шосты радок, апярэдзіўшы Эндзі Родзіка. Варта адзначыць, што Давыдзенка ні воднага разу не выйграваў ні адзін турнір з серыі “Вялікага шалома”. Тым не менш, ён уваходзіць у лік найлепшых тэнісістаў сьвету, выйграўшы 19 турніраў ATP.

Паводле: Навіны сусьветнага тэнісу

Аргентынец Хуан Марцін дэль Потро выйшаў у фінал выніковага тэніснага турніру года, дзе сустэнецца з расейцам Мікалаем Давыдзенка.

28 лістапада дэль Потро абгуляў у паўфінале ў трох сэтах Робіна Содэрлінга – 6:7 (1:7), 6:3, 7:6 (7:3).

У фінале дэль Потро згуляе з расейцам Мікалаем Давыдзенка, які раней абгуляў першую ракетку сьвету – Роджэра Федэрэра.

Фінал адбудзецца ў нядзелю – 29 лістапада.

Відэа. Хуан Марцін дэль Потро v Робін Содэрлінг. Матч-пойнт

Расійскі тэнісіст абгуляў першую ракетку сьвету Роджэра Федэрэра і выйшаў у фінал выніковага турніру Асацыяцыі тэнісістаў-прафесіяналаў (АТР) у Лондане. У першым сэце расеец выйграў – 6:2, у другім прайграў – 4:6, але ў трэцім зноў здолеў атрымаць перамогу – 7:5.

Гэта быў 13 афіцыйны матч Давыденко і Федэрэра, прычым дагэтуль расейцу ні разу не атрымоўвалася выйграць у швейцарца. За ўвесь гэты час Мікалай здолеў выйграць толькі чатыры сэты. Да прыезду ў Лондан апошнія пяць матчаў былі прайграныя ім цалкам.

Першая ракетка сьвету Роджар Федэрэр прайграў у заключным матчы групавога этапу выніковага турніру ў Лондане аргентынцу Хуану Марціну Дель Потро з лікам 2:6, 7:6, 3:6.

Роджар Федэрэр: “Вядома, галоўнай задачай было выйсьці ў паўфінал. Прама скажам, я дрэнна выглядаў пры ліку 2:6, 4:4. Але я спрабаваў знайсьці сваю гульню і ўсё такое. Гэта нагадала мне першыя два матчу папярэдняга турніру. Я гуляў вельмі павольна, і мне не атрымоўвалася знайсьці сваю гульню. Быў цяжкі пачатак тай-брэйку, я проста спрабаваў учапіцца. Ён (Дель Потро) выдатна падаў пры рахунку 5:4, але потым здзейсніў прамашку з форхенда. Я ведаў, што нельга прайграваць у двух сэтах, інакш вылечу. Таму я вельмі рады, што атрымалася выйграць другі сэт”.

У рамках групы B на выніковым турніры ATP у Лондане Мікалай Давыдзенка ў прыгожым стылі перагуляў гішпанца Рафаэля Надаля.

Дзённы матч паднёс нечаканы вынік: Робін Содэрлінг, які ўжо выйграў у Надаля ў дзвюх партыях, разбіў таксама і серба Новака Джокавіча, не аддаўшы таму ні сэта, і тым самым датэрмінова аформіў пуцёўку ў паўфінал.

Давыдзенка, адолеўшы Надаля – 6:1, 7:6 (7:4), перад сустрэчай з Содэрлінгам пакінуў сабе выдатныя шанцы на трапленьне ў плэй-офф. Для поўнай упэўненасьці яму трэба перамагчы нязручнага для сябе суперніка, пасьля чаго можна не займацца арыфметыкай. А вось Рафа, саступіўшы ў другой сустрэчы запар, выкрасліў сябе са сьпісу прэтэндэнтаў на перамогу ў турніры.

Мікалай Давыдзенка: “На мяне не аказваецца прэсінгу. Я паказваю свой найлепшы тэніс і перамагаю. Калі ніхто не чакае ад мяне поспеху, магчыма, гэта спрашчае для мяне задачу выйграць турнір”.

Рафаэль Надаль: “Я прыехаў сюды, не маючы поўнай упэўненасьці ў сабе неабходнай для перамогі ў такіх важных матчах. І ў тыя моманты, калі трэба было згуляць на высокім узроўні, мне гэта не атрымоўвалася. Я рабіў памылкі…”

Апэратыўнае кіраваньне ажыцьцяўляе Прэзыдэнт ATP, у студзені 2009 году Адам Гэлфант (ангел. Adam Helfant) зьмяніў на гэтай пасадзе Эц’ена дэ Ўілэра (ангел. Etienne de Villers), які ўзначальваў асацыяцыю з студзеня 2006 году.

1. Кубак Мастэрс (Tennis Masters Cup, праводзіцца сумесна з ITF).
2. Сэрыя ATP 1000 (ATP World Tour Masters 1000, да 2009 гаду — Сэрыя Мастэрс).
3. Сэрыя ATP 500 (да 2009 гаду — International Series Gold Tournaments).
4. Сэрыя ATP 250 (да 2009 гаду — International Series Tournaments).
5. Challenger Tournaments.

Першыя чатыры катэгорыі турніраў зьяўляюцца афіцыйнымі спаборніцтвамі тура, пятая катэгорыя — турніры ўзроўня ATP Challenger Series, прызначаныя галоўным чынам для тэнісістаў-пачаткоўцаў. Вынікі выступаў улічваюцца ў рэйтынгу ATP, але перамогі ў іх ня лічацца «тытуламі» ATP і яны не ўваходзяць у асноўны каляндар туру.

Турніры Вялікага Шалому хоць і ўлічваюцца ў каляндары ATP-туру і маюць максымальную вагу пры падліку рэйтынгу ATP, але не належаць ATP і фармальна не зьяўляюцца часткай туру.

Турніры цыклаў Satellite Tournaments і Futures Tournaments служаць пачатковай прыступкай у спаборніцтвах прафэсыйнага ўзроўня, іх вынікі ўлічваюцца ў Рэйтынгу ATP, але яны таксама не ўваходзяць у ATP-тур і праводзяцца Міжнароднай федэрацыяй тэнісу (ITF).

Акрамя індывідуальных спаборніцтваў пад эгідай ATP штогод гуляецца Камандны Кубак Сьвету (ангел. World Team Cup). У ім прымаюць удзел каманды 8 краінаў, спартоўцы якіх паказалі найлепшыя сумарныя вынікі ў Рэйтынгу ATP за папярэдні год.

Асацыяцыя таксама праводзіць цыкль спаборніцтваў для вэтэранаў — Тур чэмпіёнаў (ангел. Tour of Champions); у турнірах гэтай сэрыі прымаюць удзел найболей услаўленыя гульцы мінулых гадоў.

Сэзон ATP прыкладна адпавядае каляндарнаму году, першыя спаборніцтвы туру праводзяцца ў пачатку студзеня, завяршальны турнір — Кубак Мастэрс у лістападзе. Снежань лічыцца вакацыйным месяцам.