Тэніс » Doha

Мікалай Давыдзенка абгуляў Фэдэрэра і выйшаў у фінал у Досе

Fri, 08 Jan 2010 19:46:06 +0000

Мікалай Давыденко выйшаў у фінал турніру ATP у Досе, абгуляўшы ў паўфінальным паядынку першую ракетку сьвету швейцарца Роджэра Фэдэрэра.

За тытул Давыденко паспрачаецца з гіспанцам Рафаэлем Надалем.

ATP / Доха (Катар), 1/2 фіналу

Мікалай Давыдзенка vs. Роджэр Фэдэрэр – 6:4, 6:4

Фэдэрэр: «Магу зрабіць гэта зноў»

Mon, 04 Jan 2010 22:37:49 +0000

Першая ракетка сьвету швайцарац Роджэр Фэдэрэр заявіў, што ў будучым сэзоне зможа зноў стаць непераможным і выйграць яшчэ больш турніраў, чым у мінулым.

«Летась на старце сэзону ў мяне былі праблемы са сьпіной, – сказаў Фэдэрэр у нядзелю напярэдадні старту на турніры ATP у Досе. – Я прайграў Эндзі Марэю, Новаку Джокавічу і Рафаэлю Надалю, якія пачалі сэзон куды лепш за мяне. Але цяпер пачуваюся выдатна, я добра падрыхтаваўся, каб быць упэўненым у будучых перамогах».

Роджэр быў першай ракеткай сьвету з лютага 2004 году па жнівень 2008-га, калі з першага радка рэйтынгу яго зрушыў Надаль. Летась 28-летні выхадзец з Базэля ня толькі вярнуў сабе званьне лепшага тэнісіста сьвету, але і ўсталяваў рэкорд па колькасьці выйграных турніраў «Вялікага шалома». Зараз у актыве швайцарца іх пятнаццаць – на адзін больш, чым у легендарнага амэрыканца Піта Сампраса.

«Падчас сэзону я гуляў усё лепш і лепш, – цытуе Фэдэрэра РІА «Навіны». – Выйгрыш у Парыжы і на Ўімблдоне пацвердзіў, што я непераможны. Я магу зрабіць гэта зноў. І гэта вельмі выдатна – разумець, што я здолею гэта зрабіць». Дадамо, што на старце турніру ў Досе Роджэр мае згуляць з бэльгійцам Крыстафам Рохусам.

Фота Getty Images

Вынікі фінальнага турніру WTA 2009 году ў Досе

Tue, 24 Nov 2009 13:10:47 +0000

На вялікі жаль, беларуска Вікторыя Азаранка так і ня здолела прабіцца ў паўфінал, саступіўшы ў апошнім групавым матчы польцы Агнэшцы Радвансцы (замяніла Званарову). Лік па матчах 4-6, 7-5, 4-1 ret (беларуска спыніла матч праз былую траўму).

У паўфінале сустрэліся Вэнус Уільямс (7) і Гэлена Янкавіч (8). Перамога засталася за амэрыканкай: 5-7, 6-3, 6-4. Другі паўфінал застаўся за Сэрэнай Уільямс Serena Williams (2), якая перамагла Караліну Вазьняцкі (4): 6-4, 0-1 ret.

Фінал, 1 лістапада, прынес нам матч паміж сёстрамі Ўільмс, дзе прагназавана мачнейшай была Сэрэна: 6-2, 7-6(4).

Трыюмф волі на корце ў Доcе

Thu, 29 Oct 2009 21:19:02 +0000

Caroline Wozniacki. FOTO EPA

Датчанка Караліна Вазьняцкі прадэманстравала сёньня сапраўдны трыюмф волі да перамогі. Трываючы моцныя сутаргі ў назе, трываючы моцны боль, яна дала рашучы бой расяянцы Веры Званаровай. У вырашальным гейме пры ліку 4:4 тэнісістка павалілася на зямлю — цягліцы нагі адмовіліся слухаць яе. Аматары былі ў шоку, бацькі тэнісісткі, якія таксама назіралі за матчам, ня ведалі, што рабіць. Бо ў час гейму дапамога доктаркі была немагчымая. Але Караліна прадэманстравала свой характар. Яна знайша сілы ўстаць і перамагчы. Пасьля ўзятага матч пойнту Караліна перасоўвацца магла ўжо толькі кульгаючы. Аматары стоя сустрэлі яе перамогу працяглымі авацыямі.

Лік матчу: 6-0 6-7 (3) 6-4 на карысьць Караліны Вазьняк.

Матч пойнт. К. Вазьняцкі – В. Званарова, Доха, матч WTA Championships 2009