Тэніс » Pete Sampras

Фэдэрэр: «Магу зрабіць гэта зноў»

Mon, 04 Jan 2010 22:37:49 +0000

Першая ракетка сьвету швайцарац Роджэр Фэдэрэр заявіў, што ў будучым сэзоне зможа зноў стаць непераможным і выйграць яшчэ больш турніраў, чым у мінулым.

«Летась на старце сэзону ў мяне былі праблемы са сьпіной, – сказаў Фэдэрэр у нядзелю напярэдадні старту на турніры ATP у Досе. – Я прайграў Эндзі Марэю, Новаку Джокавічу і Рафаэлю Надалю, якія пачалі сэзон куды лепш за мяне. Але цяпер пачуваюся выдатна, я добра падрыхтаваўся, каб быць упэўненым у будучых перамогах».

Роджэр быў першай ракеткай сьвету з лютага 2004 году па жнівень 2008-га, калі з першага радка рэйтынгу яго зрушыў Надаль. Летась 28-летні выхадзец з Базэля ня толькі вярнуў сабе званьне лепшага тэнісіста сьвету, але і ўсталяваў рэкорд па колькасьці выйграных турніраў «Вялікага шалома». Зараз у актыве швайцарца іх пятнаццаць – на адзін больш, чым у легендарнага амэрыканца Піта Сампраса.

«Падчас сэзону я гуляў усё лепш і лепш, – цытуе Фэдэрэра РІА «Навіны». – Выйгрыш у Парыжы і на Ўімблдоне пацвердзіў, што я непераможны. Я магу зрабіць гэта зноў. І гэта вельмі выдатна – разумець, што я здолею гэта зрабіць». Дадамо, што на старце турніру ў Досе Роджэр мае згуляць з бэльгійцам Крыстафам Рохусам.

Фота Getty Images

АТР назвала Топ-5 лепшых супрацьстаяньняў дзесяцігоддзя

Sat, 19 Dec 2009 21:38:07 +0000

АТР апублікавала сьпіс лепшых супрацьстаяньняў апошняга дзесяцігоддзя. На першым месцы знаходзіцца дужаньне Роджэр Федэрэра і Рафаэля Надаля, на другім – Піта Сампраса і Андрэ Агасі, трэцяе месца дасталася суперніцтву Рафаэля Надаля і Новака Джокавіча, а чацвёртае – Давыда Налбандзяна і Роджэра Федэрэра. Замыкае сьпіс супрацьстаяньне Патрыка Рафтэра і Андрэ Агасі.

Акрамя таго, АТР вылучае суперніцтва паміж Маратам Сафінам і Фабрысам Сантаро, паведамляе афіцыйны сайт арганізацыі.

Знакамітыя тэнісісты

Wed, 21 Oct 2009 22:02:47 +0000

З пачаткам Адкрытай эры і зьяўленьнем фэдэрацыяў тэнісу ў розных краінах сьвету, тэніс атрымаў развіцьцё ў розных частках зямнога шару і страціў імідж спорту прывілеяваных клясаў ангельскамоўных краінаў. Пачынаючы з 70-х гадоў XX стагоддзя, на тэнісных арэнах бліскалі гульцы з Нямеччыны (Барыс Бэкер (Boris Becker), Штефі Граф (Steffi Graf)), былой Чэхаславакіі (Ян Лэндл (Ivan Lendl), Марціна Наўрацілава (Martina Navrátilová)), Швэцыі (Б’ёрн Борг (Björn Borg)), Беларусі (Натальля Зьверава (Natasha_Zvereva); у пары) і шматлікіх іншых краінаў.

Сярод вялікіх гульцоў Акрытай эры завуць Рода Лэйвэра, Джымі Конарса, Джона Ньюкамба, Стэна Сьміта, Б’ёрна Борга, Джона Макінроя, Яна Лэндла, Стэфана Эдбэрга, Джыма Кур’е, Матса Віландэра, Андрэ Агасі (Andre Agassi), Піта Сампраса (Pete Sampras), Роджэра Федэрэра (Roger Federer). Сярод жанчын: Крыс Эвэрт, Марціну Наўрацілаву, Штефі Граф, Моніку Сэлэш, Марціну Хінгіс (Martina Hingis).

Bill Tilden

Нямала легендарных гульцоў было ў гісторыі тэнісу і да пачатку Адкрытай эры. Сярод іх: Біл Цільдэн (Bill Tilden), Элсўорт Вайнс, Фрэд Пэры, Дон Бадж, Бобі Рыгс, Джэк Крэймэр, Панча Сэгура, Фрэнк Сэджман, Панча Ганзалез, Кен Роўзўол, Лью Хоўд. Шматлікія знаўцы тэнісу лічылі Біла Цільдэна лепшым спартоўцам, якія калі-небудзь гулялі ў тэніс. Ён дамінаваў у міжнародным тэнісе ў 20-я, быў World No. 1 гульцом цягам 7 год. У 1950-х і 1960-х г.г. шматлікія схадзіліся ў меркаваньні, што Панча Ганзалез зьмяніў Цільдэна на вяршыні тэнісу. Любы з згаданых тэнісістаў мог бы пасупернічаць з сучаснымі гульцамі.