Тэніс » Serena Williams

WTA: Дзяменцьева адстаяла свой тытул у Сіднэі

Fri, 15 Jan 2010 13:03:00 +0000

Алена Дзяменцьева перамагла першую ракету сьвету амерыканку Серэну Ўільямс у фінале турніру WTA ў аўстралійскім Сіднэі (Medibank International Sydney). Тым самым расіянка адстаяла свой мінулагодні тытул.

На шляху да фіналу Алена перайгала такіх тэнісістак як Віка Азаранка і Даніэла Хантухова. А ў фінальнай гульні ўпэўнена расправілася з Ўільямс – 6:3, 6:2.

Сіднэй 2010. Дзяменцьева vs. С. Ўільямс. Фрагмент гульні.

Федэрэр – пяціразовы чэмпіён сьвету

Tue, 22 Dec 2009 21:44:11 +0000

Міжнародная тэнісная фэдэрацыя ў пяты раз прызнала Роджэра Федэрэра лепшым гульцом году.

У сэзоне-2009 швайцарац упершыню ў сваёй кар’еры выйграў Адкрыты чэмпіянат Францыі, пабіў рэкорд па колькасьці перамог на турнірах сэрыі «Вялікага шалому», а таксама завяршыў год на першым месцы ў сусьветным рэйтынгу.

«Гэта вялікі гонар для мяне ў пяты раз стаць чэмпіёнам сьвету па вэрсыі ITF, – сказаў Федэрэр. – Гэты год стаў проста фантастычным, прычым як на корце, так і па-за ім. Для мяне вельмі важна было завяршыць год на вяршыні сусьветнага рэйтынгу».

У жанчынаў лепшай тэнісісткай году была прызнаная амэрыканка Сэрэна Ўільямс, паведамляе РІА «Навіны». Для яе гэта другая ўзнагарода ў кар’еры.

Выбар лепшага тэнісіста па вэрсыі ITF праводзіцца на аснове аб’ектыўнай сістэмы, паводле якой улічваюцца ня толькі выступы на турнірах «Вялікага шалому» і спаборніцтвах ATP і WTA, але і ўдзел у спаборніцтвах, якія праводзяцца пад эгідай ITF – Кубак Дэвіса ў мужчын і Кубак Фэдэрацыі ў жанчын.

Дадамо, што лаўрэаты атрымаюць свае прызы на традыцыйным Абедзе чэмпіёнаў, які пройдзе 1 чэрвеня ў Парыжы падчас «Ралан Гарос». Дарэчы, узнагарода Міжнароднай фэдэрацыі ўручаецца з 1978 году. З тых часоў часьцей за Федэрэра лепшым тэнісістам (тэнісісткай) году станавіліся толькі амэрыканцы Піт Сампрас (1993-98) і Марціна Наўрацілава (1979, 1982-86) – па шэсьць разоў.

Паводле Рэйтэрз, фота Imago

Google апублікаваў сьпіс самых папулярных тэнісістаў

Thu, 03 Dec 2009 08:55:25 +0000

Апублікаваны сьпіс самых папулярных тэнісістаў па версіі пошуковай сістэмы Google. У 2009 годзе карыстальнікі шукалі гэтыя імёны найчасьцей:

1. Роджэр Фэдэрэр
2. Серэна Ўільямс
3. Рафаэль Надаль
4. Марыя Шарапава
5. Ганна Курнікава
6. Вінус Ўільямс
7. Андрэ Агасі
8. Кім Кляйстэрс
9. Дынара Сафіна
10.Моніка Селеш

http://beltennis.com/news/2009/google-2009/

Серэна Ўільямс пазьбегла дыскваліфікацыі

Mon, 30 Nov 2009 14:06:03 +0000

Камітэт па справе першай ракеткі сьвету амерыканкі Серэны Ўільямс, якая абразіла лінейнага суддзю падчас паўфінальнага матчу US Open, завершыўся напярэдадні ў Лондане. У выніку амерыканцы было прадпісана заплаціць грашовы штраф, сума якога складзе USD 82 500, што менш паловы ганарару, атрыманага Серэнай за выхад у паўфінал Адкрытага чэмпіянату Злучаных Штатаў. Аднак гэты штраф аказаўся рэкордным для прафесійнага тэніса.

Раней дапушчалася, што амерыканка будзе адхілена ад удзелу ў адным з турніраў Вялікага шалома.

Серена Ўільямс ужо двойчы прыносіла прабачэньні за свае паводзіны суддзі, Тэніснай асацыяцыі ЗША і нам, простым аматарам.

Відэа-напамін: Серэна Ўільямс пагражае суддзі на US Open 2009

http://beltennis.com/news/2009/serena-williams-outburst/

Вынікі фінальнага турніру WTA 2009 году ў Досе

Tue, 24 Nov 2009 13:10:47 +0000

На вялікі жаль, беларуска Вікторыя Азаранка так і ня здолела прабіцца ў паўфінал, саступіўшы ў апошнім групавым матчы польцы Агнэшцы Радвансцы (замяніла Званарову). Лік па матчах 4-6, 7-5, 4-1 ret (беларуска спыніла матч праз былую траўму).

У паўфінале сустрэліся Вэнус Уільямс (7) і Гэлена Янкавіч (8). Перамога засталася за амэрыканкай: 5-7, 6-3, 6-4. Другі паўфінал застаўся за Сэрэнай Уільямс Serena Williams (2), якая перамагла Караліну Вазьняцкі (4): 6-4, 0-1 ret.

Фінал, 1 лістапада, прынес нам матч паміж сёстрамі Ўільмс, дзе прагназавана мачнейшай была Сэрэна: 6-2, 7-6(4).